Адалдық пен әділдік

19 қазан күні сағ.15.00-де «Парасат жолы» жобасы аясында «Адалдық пен әділдік» атты тақырыпта әңгіме өткізілді. Бұл іс шараға 10-11 сынып оқушылары қатысты. Адалдық, әділдік – әр адамның бойында кездесетін адамгершілік қасиеттер. Адалдық – адам бойындағы таза ниет, бағалы қасиет. Әділдік – бұл әділетті болу, тек шындыққа сүйене отырып, дұрыс, адал көзқараста болу. Оқушылар «Асыл мұра» кітабынан «Адалдық – асыл қасиет», «Әділдік – іс-әрекеттегі ақиқат» бөлімдеріндегі ұлы ғұламалардың шебер айтылған, нақыл, дана сөздері, ақыл кеңестерімен, рухани қазынасымен танысты. Сөз соңында қай нәрсеге болмасын адалдықпен, әділдікпен қараса барлық іс әрекетіміздің сәтті болатыны түсіндірілді.

Шара соңында оқушыларды «Адалдық – асыл қасиет» кітап көрмесімен таныстырылды.