Ешқашан ұмытуға болмайды

27 сәуір күні «Туған жерге тағзым» мемлекеттік бағдарламасы аясында, ауылдық кітапханада Киікті ауылының тумасы, 1986 жылғы Чернобыль апатына қатысқан ардагер Ибраев Ерболат Әбдіғалықұлымен «Ешқашан ұмытуға болмайды» атты тақырыпта кездесу кеші өтті. Ерболат Әбіғалықұлы мектепті 1983 ж. тәмамдаған. 1984 ж. Отан қорғау борышын өтеуге шақырылады. Сол бір алапат оқиғаға әскери борышын өтеп жүргенде барады. Бұл шараны ұйымдастырудағы мақсатымыз, Чернобыль ардагерінің ерлігін және қазіргі кездегі өз саласының білікті де, білгір маманы екенін өскелен ұрпаққа насихаттау.