Жер кіндігі – Байқоңыр

12 сәуір – Дүниежүзілік авиация және ғарышкерлер күніне арналған 4-5 сынып оқушыларымен «Жер кіндігі – Байқоңыр» тақырыбында танымдық сағат өтті. Өткізілген шарада ең алғаш ғарышқа ұшқан адам Ю.Гагарин, ғарыш кеңістігін бағындырған әлемдегі бірінші әйел В.Терешкова және Қазақ ғарышкерлері Т.Әубәкіров, Т.Мұсабаев, А.Айымбетовтің сапары жайында деректер айтылды. «Байқоңыр» ғарыш айлағы, ғарыш стансалары туралы сөз қозғалды. Аспан денелері, ғарыш, ғаламшарлар, күн жүйесі туралы мәліметтер викториналық ойын түрінде өтті. Балалар оқушыларға арналған «Ғалам» атты кітаптан көптеген өздеріне керекті мәліметтер алды және ғарыш туралы білетін өз ойларымен бөлісті. Шара соңында «Жұлдыздарға жол» атты кітап көрмесімен таныстырылды.