Қазақстан Республикасы Тәуелсіздігінің 30 жылдығына арналған мерекелік әдеби сазды кеш

15 желтоқсан күні мәдениет үйінің көрермен залында Қазақстан Республикасының 30 жылдығына арнал-

ған мерекелік әдеби сазды кеш өткізілді. Мерекелік кешке оқушылар, студенттер, жұмыскерлер қатысып, өз өнерлерін көрсетті. 5 сынып оқушылары Совет Айша «Азаттықтың ақ таңы», Сайлаубай Ақбота «Елім менің», 6 сынып оқушылары Кенжеғұл Бірлік «Азаттықтың көк туы», Нұртай Мейір «Қазақстан – байтақ елім» тәуелсіздікке арналған өлеңдерін жатқа оқыса, 6 сынып оқушысы Изатулаева Аяулым «Тәуелсіздік», 5 сынып оқушылары «Гүлдерай» бишілер тобы «Алға Қазақстан» биін билсе, ІІ курс студенттері Совет Жарас «Бір болайық», Нұртай Бекмырза «Мен қазақпын» т.б. кешке қатысушылар Тәуелсіздік, Желтоқсан жайлы ән мен жыр шумақтарын тарту етті. «Тәуелсіздіктің 30 беттік тарихы», «Тәуелсіздікке 30 жыл», «16 желтоқсан – Тәуелсіздік күні» бейнероликтер көрсетілді. Кештің мақсаты: Еліміздің тәелсіздік алғалы 30 жыл ішінде жеткен жетістіктерімен таныстыру, Отанды сүюге, қастерлеуге, туған еліне, жеріне деген сүйіспеншіліктерін арттыру.