Ұлтжанды ақын

28 қаңтар күні ақын Зейнолла Игілікұлының туғанына 85 жыл толуына арналған «Ұлтжанды ақын» атты тақырыпта еске алу кеші өтті. Ұлтжанды ақын, репрессия құрбаны З.Игілікұлы халқының болашағын, азаттығын аңсап «Менің халқым», «Жігіттер» өлеңдерін жазды. 1962 ж. саяси айыппен темір торға қамалады. Осы жылдары «Жылдар, жылдар», «Ақиқаттың тамшысы» өлеңдері дүниеге келеді. Елге оралғаннан кейін де азаттықты аңсаған өлеңдер жазды. З.Игілікұлы тек ақын ғана емес, қарасөздің зергері. Оның «Өрт» атты шығармасында салиқалы ой қозғауымен дүниедегі келеңсіз көріністер әжуа сықақпен шынайы көрсетіледі.